Tratamentu aihan-tasi sira 
iha Timor Leste
Kartás informasaun ba peskadór, vendedór no konsumidór sira

Testu hosi Owen Li, Hampus Eriksson, Ian Bertram, Aymeric Desurmont and Michel Blanc; ilustrasaun hosi Jipé LeBars; deseñu hosi Constance Odiardo

Ikan hahan ne’ebé importante iha Illa Pasifiku sira. Barak liu ikan ne’ebé han kaer no faan ona hosi ema seluk duke konsumidór sira. Atu asegura katak ikan fresku no saudavel ne’e bele asesu liuhosi korrente distribuisaun ida ne’e, tratamentu ba ikan tenki ijiene no loloos.

Pakote ida ne’e iha kartas informasaun oin lima kona-ba oinsa kuidadu ikan fresku nafatin, saudavel no seguru ba konsumidór sira iha tempu ne’ebe naruk. Kada kartás informasaun sira tau hamutuk ona ba:

• peskadór sira,
• vendedór ikan sira, no
• konsumidór sira.

Kartás informasaun sira ne’e iha informasaun kona-ba oinsá trata no kuidadu ikan hanesan peskadór, vendedór ikan ka konsumidór, atu asegura ikan fresku nafatin, saudavel no seguru ba ema atu konsume. Sira estruturadu tuir regra haat: kuidadu, malirin, moos no lalais. Kartás informasaun ba konsumidór sira hanesan mós matadalan ida oinsá atu hili ikan ne’ebéfresku liu.

Kartás tahan rua seluk ne’ebé inklui iha pakote ida ne’e mak kona-ba:

• "korrente malirin", no
• ikan jeladu.

Kartás tahan "korrente malirin" deskreve oinsa importante atu mantein ikan nia malirin iha etapa hotu ne’ebe ikan liu entre kaer no fa’an, no oinsa bele halo.

Kartás tahan kona-ba "ikan jeladu" deskreve oinsa halo jeladu ikan ne’ebé loos atu asegura ikan bele rai ho kondisaun diak no seguru atu ema konsumu iha tempu ne’ebé naruk. Iha mós sujestaun kona-ba oinsa prepara ikan atu halo jeladu para mantein nia kualidade han (textu no sabór).

Kada kartás tahan uza mesak, la persija informasaun husi kártas tahan seluk. Kartás individu bele halo kópia no uza ba aktividade ne’ebé diferente.